Tanılğan fiker iyäse Qırımda iskä alındı
Törki dönyanıň “Teldä, fikerdä , eştä berlek” şiğare belän tanılğan İsmäğıyl Ğaspralı tuuınıň 161 yıllığında Qırımda iskä alındı.
Tanılğan fiker iyäsen iskä alu cıyını Aqmäçettäge İsmäğıyl Ğaspralı häykäle yanında uzdı.
Ğaspralı ruxına doğa uqılğannan soň , çığışlar yasaldı.
Annan soň häykälenä çäçäklär quyıldı.
Bahçesaray şähärendä dä iskä alu çaraları uzdı.
Bahçesaray vilayät başlığı İlmi Ümerov üz çığışında İsmäğıyl Ğaspralı ğomer itkän şähärdä yäşäwe belän ğorurlanuın belderde.
Tanılğan fiker iyäse İsmäğıyl Ğaspralınıň qabere yanında dini meräsim ütkärelde.
Ğaspralı xaqında kitap yazğan professor doktor Viktor Gankeviç üz çığışında olı şäxesneň Bahçesaray şähär xakimiyäte başlığı wazıyfasın başqarğan çorda ireşkän uňışlarına tuqtaldı.
Ğalimnär, sänğatçelär, säyäsätçelär , ictimağıy oyışma citäkçeläre dä İsmäğıyl Ğaspralınıň Qırım tatarları häm törki dönya berdämlegenä kertkän öleşe, xezmätläre turında söylädelär.
0 yorum:
Yorum Gönder